Silviya Angelova: Gələcəkdə də özümü doğrultmaq istəyirəm - MÜSAHİBƏ | |
Azərbaycan yığmasının üzvü Silviya Angelova (48 kq) Ağır Atletika Federasiyasının rəsmi saytına müsahibə verib. İdman.com.az saytının məlumatına görə, həmkarımızla söhbətdə, idmançımız Avropa çempionatında çıxışından danışıb. - Avropa çempionatında uğurla çıxış edərək, bürünc medal qazandınız. Səhv etmiriksə, bu, qitəmiqyaslı yarışda ilk uğurunuzdur? - Bəli, ilk dəfədir belə güclü turnirdə medal qazanıram. Həqiqətən çox sevinirəm. Uzunmüddətli, çətin məşqlərdən sonra bu uğuru qazanmaq xoşdur. - Bu uğurun davamını gətirmək üçün özündə güc hiss edirsizmi? - Təbii ki. Məşqlərimi daha həvəslə davam etdirəcəm. Qələbə qazanmaq xoşdur. Bu hissi yenidən yaşamaq istəyirəm. - Medal qazanmağında kimlərin əməyini önə çəkmək istərdiz? - Azərbaycan Ağır Atletika Federasiyasında idmançılara olan münasibət və qayğı yüksək səviyyədədir. Məni bu uğura daşıdığına görə hamıya minnətdaram. - Azərbaycan xalqına demək istədiyiniz söz varmı? - Azərbaycanı sevirəm! Bu ölkənin hər bir vətəndaşına təşəkkür edirəm. Onların etimadını gələcəkdə də doğrultmaq üçün əlimdən gələni əsirgəməyəcəm. |
|
Xəbər 2617 dəfə oxundu. |
|
|