Ən yaşlı "Qalatasaray" fanatı Fatma Çolak vəfat edib. 107 yaşlı nənə doğulduğu Artvində torpağa tapşırılıb. Dəfn mərasiminə mərhumun ailəsi ilə yanaşı, Arsin kaymakamı Salih Altun, Artvin "Qalatasaray"lı Azarkeşlər Dərnəyinin rəhbəri Uğur Delikanlı və bir sıra başqa rəsmi şəxslər qatılıb.
Mərasimdə çıxış edən Uğur Delikanlı Fatma nənənin ən yaşlı "Qalatasaray" fanatı olduğunu bildirərək "Camiə olaraq ən yaşlı azarkeşimizi itirməyin üzüntüsünü yaşayırıq. Nənəmizə Allahdan rəhmət, ailesinə və bütün "Qalatasaray" camiəsinə başsağlığı verirəm", - deyib.
Salih Altun və Uğur Delikanlı Fatma Çolakın məzarı üzərinə sarı və qırmızı rənglərdə çiçəklər qoyub.
Qeyd edək ki, iki övladı və 20 nəvəsi olan Fatma Çolak 1,5 il əvvəl ən böyük arzusunu reallaşdıraraq İstanbula gəlmiş və "Qalatasaray"ın 105 illik yubiley tədbirlərində iştirak etmişdi. Sabiq klub prezidenti Adnan Polatın dəvəti ilə İstanbula yollanan Fatma nənə "Ali Sami Yen"də "Qalatasaray" - "Ankaragücü" matçını canlı izləmişdi.
Xəbər 943 dəfə oxundu.