| Şəmkirdə “Şahin” hərbi-idman oyunlarının zona yarışlarına start verilib | |
|
Şəmkir şəhər Əhməd Cavad adına tam orta məktəbdə “Şahin” hərbi-idman oyunlarının zona yarışlarına başlanıb. Hərbi idman oyunlarının ilk zona yarışına şəhər məktəblilərindən ibarət 6 komanda qatılıb. Yarışların açılış mərasimində çıxış edən Gənclər və İdman İdarəsinin rəisi Emin İsmayılov qeyd edib ki, hərbi idman oyununun keçirilməsində məqsəd böyüməkdə olan gənc nəslin vətənpərvərlik tərbiyəsinə diqqət və qayğını daha da artırmaq, məktəb şagirdlərini hərbi-idman oyunlarına cəlb etməklə məktəblilərin ordu sıralarına hərbi xidmətə hazırlanmasına kömək göstərməkdən ibarətdir. Sonra zona yarışlarına start verilib. Gərgin mübarizə şəraitində keçən ilk zona yarışmasında I yerə M.Füzuli adına təbiət-təmayüllü liseyin komandası, II yerə N.Nərimanov adına tam orta məktəbin komandası, III yerə “Pravda” şəhər tam orta məktəbin komandası layiq görülüb. M.Füzuli adına təbiət-təmayüllü liseyin komandası martın 16-da Şəmkir şəhərindəki N saylı hərbi hissədə keçiriləcək rayon birinciliyinə vəsiqə qazanıb. Zona yarışları davam edir. Yarışların qalibi olacaq 6 komanda rayon birinciliyinə vəsiqə qazanacaq |
|
|
Xəbər 862 dəfə oxundu. |
|
|
|