Azərbaycan qrossmeysteri turnirin liderlərindən bir xal geri qalır | |
İranın Mazandaran əyalətinin Amol şəhərində 26-cı “Fajr Sabalan Cup” beynəlxalq şahmat turniri keçirilir. Turnirin “A” qrupunda 14 ölkədən 81 şahmatçı, o cümlədən 20 qrossmeyster yarışır. 3 turdan sonra “A” qrupunda rusiyalı Pavel Ponkratov, hindistanlı Himal Qusain, iranlılar Əmirrza Purramenazali, Amin Tabatabaey və Əlirza Firuzca hərəyə 3 xalla liderdirlər. Azərbaycan qrossmeysteri Azər Mirzəyevin aktivində 2 xal var. Dördüncü turun püşkatmasının nəticələrinə görə Azər Mirzəyev qara fiqurlarla iranlı FIDE ustası Əli Rastbod ilə qarşılaşacaq. İsveçrə sistemi üzrə keçirilən “Fajr Sabalan Cup” 11 turdan ibarət olacaq. |
|
Xəbər 1081 dəfə oxundu. |
|
|