“Azəryol” və Azərsu” komandalarının oyunu növbəti dəfə heç-heçə başa çatıb

Həndbol üzrə Azərbaycan çempionatında yeni ilin ilk oyunları qadınlar arasında keçirilib. “İdman Akademiyası” komandası ilə qarşılaşan “Qarabağ” həndbolçuları rəqiblərini asanlıqla məğlub ediblər - 34:22. Turun digər oyununda isə “Azəryol” və Azərsu” kollektivləri üz-üzə gəliblər. Gərgin və maraqlı keçən matç tərəflərin cəhdlərinə baxmayaraq heç-heçə ilə yekunlaşıb – 32:32. Xatırladaq ki, sonuncu dəfə dekabrın 16-da ölkə kuboku uğrunda yarışda qarşılaşan “Azəryol” və Azərsu” komandalarının oyunu da 30:30 hesabı ilə heç-heçə başa çatmışdı.

Xəbər 826 dəfə oxundu.