Bu gün qadın voleybolçular arasında Azərbaycan Super Liqasının final mərhələsi başlayacaq. İdman.com.az saytının məlumatına görə, 2 dövrədən ibarət olacaq həlledici mərhələnin ilk görüşündə son çempion “Rabitə” “Lokomotiv”lə qarşılaşacaq. Digər matçda “Azərreyl” debutant “Bakı”nı sınağa çəkəcək. Bu matçda da birincilərin qələbə qazanacaqları ehtimal edilir. Amma çox güman, ikincilər ölkə çempionatının favoritlərinə güclü müqavimət göstərəcəklər. Çünki bu günlərdə Çellenc kubokunda finalda 2 görüş oynamış “Lokomotiv” ilə “Bakı” hazırda yaxşı oyun təcrübəsinə malikdirlər.Qeyd edək ki, ilk turda “İqtisadçı” istirahət edəcək. Final mərhələsində 3:0 və 3:1 hesabı ilə qalib gələcək komandaya 3, məğlub olacaq kluba 0 xal veriləcək. Əgər 3:2 hesabı qeydə alınarsa, qələbə qazananların 2, uduzanların isə aktivinə 1 xal əlavə ediləcək. Əgər 2 və daha artıq komanda eyni sayda xal toplayarsa, bu halda qalib Voleybol Federasiyasının reqlamenti ilə nəzərdə tutulan qayda ilə müəyyən ediləcək.
Super Liqa. Qadınlar
4 aprel. Final mərhələsi, I tur
16:00. “Rabitə” – “Lokomotiv”
İlk dövrə: “Rabitə” – “Lokomotiv” – 3:1
İkinci dövrə: “Lokomotiv” – “Rabitə” – 0:3
18:30. “Azərreyl” – “Bakı”
İlk dövrə: “Azərreyl” – “Bakı” - 3:1
İkinci dövrə: “Bakı” – “Azərreyl” - 1:3
Xəbər 962 dəfə oxundu.