Portuqaliya komandasının Bakıdakı oyun üçün heyəti açıqlanıb

Kişi voleybol komandaları arasında “Çağırış kuboku” turnirinin onaltıdabir final mərhələsində Azərbaycan çempionu “Lokomotiv” ilə qarşılaşacaq Portuqaliyanın “Fonte Bastrado” komandasının heyəti açıqlanıb. Portuqaliya klubunun baş məşqçisi Xose Migel Bakıya 12 voleybolçu ilə gəlir. “Fonte Bastrado”nun heyətində toppaylayıcılar - Robert Viiber, Bruno Alveş, blokçular - Qerson Pereyra, Rikardo Filyo, Maykon Kosta, hücumlular - Dioqo Morais, Karlos Vina, Osvaldo Ferreira da Silva, Aleksandrs Kudryaşovs, Kaio Roşa, Reynaldo da Silva, libero - Daniel Ruiz yer alıblar. Qeyd edək ki, “Lokomotiv”-“Fonte Bastrado” oyunu dekabrın 7-də Azərbaycan Voleybol Mərkəzində keçiriləcək.

Xəbər 831 dəfə oxundu.