“Mançester Siti”nin hücumçusu klubun tarixinə düşüb | |
“Mançester Siti”nin hücumçusu Serxio Aquero klubun tarixinə düşüb. Argentinalı futbolçu Çempionlar Liqasının qrup mərhələsində “Napoli” ilə qarşılaşmada bunu reallaşdırıb. Belə ki, “şəhərlilər”in səfərdə 4:2 hesabı ilə qalib gəldikləri görüşdə 3-cü qolun müəllifi olan Aquero bununla “Mançester Siti” tarixinin ən məhsuldar oyunçusu olub. Bütün turnirlərdə qollarının sayını 178-ə çatdıran 29 yaşlı oyunçu 1927-1940-cı illərdə bu klubun formasını geyinmiş Erik Bruka məxsus rekordu yeniləyib. Qeyd edək ki, Serxio Aquero 2011-ci ildən “Mançester Siti”nin şərəfini qoruyur. |
|
Xəbər 550 dəfə oxundu. |
|
|