Kapoeyra üzrə Bakı kuboku yarışlarının qalibləri müəyyənləşib

Bakı Şəhər Gənclər və İdman Baş İdarəsi (BŞGİBİ) tərəfindən Hövsan Olimpiya İdman Kompleksində kapoeyra üzrə Bakı kuboku yarışları keçirilib. Yarışda 51 idmançı birincilik uğrunda mübarizə aparıb. Yekun nəticələrə görə, oğlanlar arasında Murad Məmmədzadə (4-6 yaş), Dilqəm İsmayılov (7-9 yaş), Murad Əhmədov (10-12 yaş), Qalib Həsənov (13-16 yaş) və Cəlil Qəniyev (17 yaşdan yuxarı) qızıl medal qazanıblar. Qızların mübarizəsində isə Ayan Lətifli (4-6 yaş), Aliyə Aslan (7-10 yaş) və Gülçöhrə Abbasova (11-13 yaş) fəxri kürsünün ən yüksək pilləsinə qalxıblar. İlk üç yeri tutmuş idmançılara Baş İdarə tərəfindən müvafiq dərəcəli diplomlar, medallar və xatirə hədiyyələri təqdim edilib.

Xəbər 1258 dəfə oxundu.