Qadınlar arasında voleybol üzrə Avropa çempionatı: Belarus və Çexiya milliləri pley-offda qarşılaşırlar | |
Sentyabrın 26-da Azərbaycanda və Gürcüstanda təşkil edilən qadın voleybolçular arasında Avropa çempionatının final mərhələsi çərçivəsində pley-off görüşlərinə start verilib. Milli Gimnastika Arenasında günün ilk qarşılaşması Belarus və Çexiya voleybolçuları arasında keçirilir. Bu matçın qalibi sentyabrın 28-də dörddəbir final mərhələsində Serbiya kollektivinin rəqibi olacaq. Digər oyunda isə Niderland və Xorvatiya milliləri üz-üzə gələcəklər. Matçdan qalib ayrılan komanda sentyabrın 28-də dörddəbir finalda İtaliya millisi ilə qarşılaşacaq. Qeyd edək ki, pley-off mərhələsinin bütün görüşləri Bakıda, Milli Gimnastika Arenasında keçiriləcək. |
|
Xəbər 570 dəfə oxundu. |
|
|