| Bu gün qadın voleybolçular arasında Avropa çempionatında pley-off mərhələsinə start veriləcək | |
|
Sentyabrın 26-da Azərbaycanda və Gürcüstanda təşkil edilən qadın voleybolçular arasında Avropa çempionatının final mərhələsi çərçivəsində pley-off görüşlərinə start veriləcək. Pley-off mərhələsinin bütün görüşləri Bakıda, Milli Gimnastika Arenasında keçiriləcək. Günün ilk qarşılaşması saat 18:00-da Belarus və Çexiya voleybolçuları arasında keçiriləcək. Bu matçın qalibi sentyabrın 28-də dörddəbir final mərhələsində Serbiya kollektivinin rəqibi olacaq. Digər oyunda isə Niderland və Xorvatiya milliləri üz-üzə gələcəklər. Matçdan qalib ayrılan komanda sentyabrın 28-də dörddəbir finalda İtaliya millisi ilə qarşılaşacaq. |
|
|
Xəbər 577 dəfə oxundu. |
|
|
|