Avropa birinciliyində dörd şahmatçımız xal itirmədən irəliləyir

Hazırda Rumıniyanın Mamaya şəhərində keçirilən şahmat üzrə Avropa birinciliyinin üç turu oynanılıb. Dörd Azərbaycan şahmatçısı - 8 yaşınadək oğlanlar arasında Cahandar Azadəliyev, 10 yaşınadək oğlanlar arasında Read Səmədov, 12 yaşınadək oğlanlar arasında Aydın Süleymanlı və 8 yaşınadək qızlar arasında Suadə Abbaszadə yüz faiz göstərici ilə liderlər sırasındadırlar. Əli Süleymanov, Vüqar Manafov, Sadiq Məmmədov, Səmra Qasımova və Gövhər Beydullayeva onlardan yarım xal, daha 10 şahmatçımız isə bir xal geri qalırlar. İsveçrə sistemi üzrə keçirilən yarışlar 9 turdan ibarət olacaq. Sentyabrın 8-9-da dördüncü və beşinci turların partiyaları oynanılacaq. Sonra turnir iştirakçılarına istirahət veriləcək. Əlavə edək ki, birincilikdə 49 Avropa ölkəsindən 1142 şahmatçı iştirak edir. Çempionat sentyabrın 14-də başa çatacaq.

Xəbər 569 dəfə oxundu.