Türkiyə, İtaliya, Rusiya və Fransa klubları Bakıya gəldilər

Sabah qadın voleybolçular arasında Çempionlar Liqasının “Dördlər finalı”na start veriləcək. Bakıda keçiriləcək həlledici mərhələnin oyunları Azərbaycan təmsilçisi olmadan baş tutacaq. Heydər Əliyev adına İdman-Konsert Kompleksində keçiriləcək turnirin qalibi adı uğrunda isə Türkiyənin “Fənərbaxça”, İtaliyanın “Villa Kortese”, Rusiyanın “Dinamo” (Kazan) və Fransanın “Kann” klubları mübarizə aparacaq. Turnirin açılış matçı martın 24-də saat 16:00-da start götürəcək. Final görüşü isə bir gün sonra saat 19:00-da başlayacaq. 24 mart Yarımfinallar 16:00. “Kann” – “Villa Kortese” 19:30. “Fənərbaxça” – “Dinamo” 25 mart 3-cü yer uğrunda 16.00. Yarımfinallarda məğlub olanlar Final 19:00. Yarımfinalda qalib gələnlər Qeyd edək ki, Çempionlar Liqasında Azərbaycanın “Azərreyl” və “Rabitə” komandaları 1/4 finalda mübarizəni dayandırıblar.

Xəbər 1191 dəfə oxundu.