Qrossmeysterimiz açıq Paris çempionatının liderlər qrupundadır

Fransada şahmat üzrə açıq Paris çempionatı keçirilir. Çempionatda 60 şahmatçı, o cümlədən on qrossmeyster iştirak edir. Azərbaycanı turnirdə beynəlxalq usta Namiq Quliyev təmsil edir. Beş turdan sonra 4 xal toplayan N.Quliyev yerli şahmatçılar Bilel Bellasen, Borya İder, Jules Mussar, Andrey Şekaçyov, habelə Sergey Fedorçuk (Ukrayna) ilə birlikdə liderlər qrupundadır. Altı şahmatçı hərəyə 3,5 xal, 12 şahmatçı hərəyə 3 xal toplayıb. Püşkatmanın nəticələrinə görə, altıncı turda şahmatçımız ağ fiqurlarla B.İder (Fransa) ilə oynayacaq. Açıq Paris çempionatı İsveçrə sistemi üzrə keçirilir və 9 turdan ibarətdir.

Xəbər 1123 dəfə oxundu.