“Astra”-“Zirə” oyununu belaruslu hakimlər briqadası idarə edəcək | |
Lüksemburqun “Differdange” futbol komandası ilə oyundan sonra Belçikaya yollanan “Zirə” Rumıniyaya gedib. Avropa Liqasının ikinci təsnifat mərhələsində “Astra” ilə qarşılaşacaq komandamız Buxarest yaxınlığında yerləşən Rumıniya yığmasının təlim-məşq bazasında hazırlığını davam etdirir. İyulun 12-də də burda məşq edəcək “qartallar” daha sonra Giurgiyə yola düşəcək. “Zirə” oyunöncəsi son məşqini qarşılaşmanın keçiriləcəyi stadionda edəcək. İyulun 13-də Marin Anastasovici stadionunda keçiriləcək “Astra”-“Zirə” oyununu belaruslu hakimlər briqadası idarə edəcək. Matçın baş hakimi Sergey Tsinkeviç olacaq. Baş hakimə həmyerliləri Vitali Malyutin və Evgeni Romanov kömək edəcəklər. Dördüncü hakim funksiyasını Viktor Şimusik yerinə yetirəcək. |
|
Xəbər 541 dəfə oxundu. |
|
|