“Bu gün yaxşı oynadıq və qalib gəldik. Rəqibimiz çox təmkinli komandadır”. İdman.com.az saytının məlumatına görə, bunu “Neftçi” klubunun baş məşqçisi Böyükağa Hacıyev deyib. O, Unibank Premyer Liqanın XXIV turunda “İnter”ə 2:1 hesablı qələbədən şad olduğunu deyib. Hacıyev bildirib ki, bu qələbədə “bankçılar”ın prezidenti Georgi Nikolovun apasport.az-a açıqlaması da mühüm rol oynayıb: “İnter”lə oyuna yaxşı hazırlaşmışdıq, bunun bəhrəsini gördük. Bugünkü oyunda daha çox yerli futbolçulara şans verdim. Çünki, bizə qalan onlar olacaq. “İnter”in prezidenti Georgi Nikolovun “Neftçi” bizim abunəçimizdir” sözünə gəlincə, belə açıqlamalar düzgün deyil. Biz bunu qalib gəlməklə sübut etdik. Növbəti oyunlarda bu qələbələrin davamını gətirməyə çalışacağıq”.
Xəbər 1030 dəfə oxundu.