| Kişi voleybolçulardan ibarət Azərbaycan millisi Almaniya yığması ilə üz-üzə gələcək | |
|
Bu gün kişi voleybolçulardan ibarət Azərbaycan yığması Fransanın Lion şəhərində dünya çempionatının seçmə mərhələsi çərçivəsində ikinci oyununu keçirəcək. Voleybolçularımız ikinci oyunda Almaniya yığması ilə üz-üzə gələcəklər. Oyunu xorvatiyalı baş hakim Milan Raykoviç idarə edəcək. İkinci hakim funksiyasını rumıniyalı Alin Mateizer yerinə yetirəcək. Millimiz ilk oyununda Türkiyə yığması ilə qarşılaşıb və rəqibə 0:3 hesabı ilə məğlub olub. Reqlamentə əsasən yalnız qrup qalibləri mərhələ adlayacaqlar. İkinci yerin sahibləri isə pley-off-da üz-üzə gələcəklər. Qeyd edək ki, 2018-ci ildə kişi voleybol komandaları arasında dünya çempionatına İtaliya və Bolqarıstan birgə ev sahibliyi edəcək. |
|
|
Xəbər 622 dəfə oxundu. |
|
|
|