| Kişi voleybolçulardan ibarət Azərbaycan millisi Türkiyə yığması ilə qarşılaşıb | |
|
Mayın 24-də kişi voleybolçulardan ibarət Azərbaycan yığması Fransanın Lion şəhərində dünya çempionatının seçmə mərhələsi çərçivəsində ilk oyununa çıxıb. Voleybolçularımız ilk oyunda Türkiyə yığması ilə üz-üzə gəliblər. Portuqaliyalı baş hakim Helio Ormondenin idarə etdiyi oyun Türkiyə millisinin 3:0 hesablı qələbəsi ilə başa çatıb. Millimiz növbəti oyununu mayın 25-də Almaniya yığmasına qarşı keçirəcək. Reqlamentə əsasən yalnız qrup qalibləri mərhələ adlayacaqlar. İkinci yerin sahibləri isə pley-off-da üz-üzə gələcəklər. Qeyd edək ki, 2018-ci ildə kişi voleybol komandaları arasında dünya çempionatına İtaliya və Bolqarıstan birgə ev sahibliyi edəcək. |
|
|
Xəbər 829 dəfə oxundu. |
|
|
|