Braziliya çempionatının aparıcı klublarından «Flamenqo»nun formasını geyinən Ronaldinyu 2012-ci il London Yay Olimpiya Oyunlarında iştirak edəcək ölkə yığmasının heyətinə çağırıldı. İdman.com.az saytının məlumatına görə, Beynəlxalq Olimpiya Komitəsinin müəyyən etdiyi qaydalara görə, olimpiadalarda mübarizə edəcək komanda 23 yaşını keçən 3 oyunçunu heyətə sala bilər. Braziliya olimpiya yığmasına namizəd 52 futbolçunun sırasında 4 təcrübəli futbolçu Ronaldinyu, Tyaqo Silva, Dani Alves və Julio Sezardır və bu dördlükdən biri yekunda heyətə düşə bilməyəcək. Aleksandre Pato, Marselo, Rafael kimi Avropada oynayan ulduzlar da heyətə daxil edilərkən, Braziliyada top qovan Neymar, Qanso, Lukas da özlərinə heyətdə yer tapıb.
52 nəfərlik namizədlər siyahısı isə belədir:
Adriano («Barselona»), Aleks Sandro («Portu»), Aleksandre Pato («Milan»), Allan («Vasko»), Andre («Atletiko» Mineyro), Bernard («Atletiko» Mineyro), Bruno Uvini («Tottenhem»), Daniel Alves («Barselona»), Danilo («Porto»), David Luiz («Çelsi»), Baba («Vasko»), Dieqo Alves («Valensiya»), Duqlas Kosta («Şaxtyor» Donetsk), Dudu («Dinamo» Kiyev), Elias («Sportinq»), Elkeson («Botafoqo»), Faqner («Vasko»), Fernandinyo («Şaxtyor» Donetsk), Fernando («Qremio»), Qabriel («Kruzeyro»), Qabriel Silva («Novara»), Qalyardo («Flamenqo»), Paulo Enrike Qanso («Santos»), Qiuliano («Dnepr»), Enrike («Qranada»),
Ernanes («Latsio»), Halk («Portu»), Cefferson («Botafoqo»), Conas («Valensiya»), Juan («İnternasional»), Julio Sesar («İnternasional»), Leandro Damiao («İnternasional»), Lukas («Sao Paulo»), Lukas Mendes («Koritiba»), Luizao («Benfika»), Marselo («Real Madrid»), Marquinyos («Korintians»), Neto («Fiorentina»), Neymar («Santos»), Oskar («İnternasional»), Filippe Koutinyo («Espanyol»), Rafael («Mançester Yunayted»), Rafael Kabral («Santos»), Renan Ribeyro («Atletiko» Mineyro), Romario («İnternasional»), Romulo («Vasko»), Ronaldinyo Qauço («Flamenqo»), Sandro («Tottenhem»), Tyaqo Silva («Milan»), Vellinqton («Fluminense»), Villian Joze («Sao Paulo»).
Xəbər 1133 dəfə oxundu.