«Apreldə lisenziya yarışları başlayacaq. Həmin turnirdə iştirak edəcəm. Məqsədim, elə ilk cəhddə London olimpiadasına vəsiqə qazanmaqdır». Bunu idman.com.az saytına açıqlamasında yaxınlarda Belqradda keçirilmiş Avropa çempionatında 60 kq çəkidə baş mukafata sahib çıxan Toğrul Əsgərov deyib. Gənc bahadırın sözünə görə, o, qitənin ən güclülərinin yarışında əldə etdiyi uğuru «dördillik»də də təkrarlamaq niyyətindədir:«Avropa çempionatında komanda yoldaşım Zəlimxan Hüseynova vaxtı ikən qalib gələn güləşçini üstələdim. Bu qələbədən sonra özümə inam daha artdı. Fikirləşdim ki, ona Londonda da qalib gələ bilərəm. Əgər ilk lisenziya yarışında fərqlənsəm, onda olimpiadaya rahat hazırlaşa bilərəm. Şükür Allaha ki, məşqçilərin etimadını doğrulduram. Bunu belə də davam etdirəcəyəm»
KAMRAN
Xəbər 1220 dəfə oxundu.