Makedoniya Futbol Federasiyası ölkə çempionatını dayandırmağı qərara alıb. İdman.com.az saytının məlumatına görə, buna səbəb makedoniyalılarla albaniyalılar arasında yeni etnik qarşıdurma nəticəsində yüksək gərginliyin yaranmağıdır. Onlar arasında bəzi qarşıdurmalar Makedoniya ərazisində, o cümlədən, paytaxt Skopyedə olub. İlk növbədə yüksək liqada XX turun Tetovo şəhərində keçirilmiş “Şkendiya” – “Vardar” və “Teteks” – “Napredok” oyunları təxirə salınıb.
Ancaq reqlamentə görə ötən turun bütün matçları oynanılmamış növbəti tur başlaya bilməz. Buna görə də bütün çempionat qeyri-müəyyən müddətə təxirə salınıb.
Federasiyanın mətbuat xidməti XI turla yanaşı, II liqada XVIII turun oyunlarının təxirə salındığını bildirib.
Xəbər 903 dəfə oxundu.