Bakı 2017 İslam Həmrəyliyi Oyunları Azərsun Holdinq ilə rəsmi dəstəkçi razılaşması imzalayır

Bakı 2017 4-cü İslam Həmrəyliyi Oyunları bu gün “Azərçay”ın Oyunların rəsmi dəstəkçisi olacağını elan edib. Bakı 2017 İslam Həmrəyliyi Oyunlarının rəsmi dəstəkçisi olacaq Azərçay Azərbaycanda qida istehsalçısı olan Azərsun Holdinqin bir markasıdır. Azərçay Oyunlar zamanı Atletlər Kəndi də daxil olmaqla, bir sıra məkanlarda güzəştli qiymətlərlə çay təqdim edəcək. İdmançı və rəsmiləri yüksək səviyyəli çay xidməti, həmçinin ənənəvi çay stəkanları, samovar və taxta vitrin qutularla təmin etməklə yanaşı, Azərçay Atletlər Kəndində qolf simulyatoru da təşkil edəcək. Rəsmi dəstəkçi olaraq, Azərsun Bakı Olimpiya stadionunda 12 may tarixində keçiriləcək Açılış mərasimi ərəfəsində mayın 8-dən başlayaraq Oyunlar öncəsi idman sessiyaları ilə maraq və coşğu yaradacaq. Razılaşma barədə danışan Bakı 2017 Əməliyyat Komitəsinin direktoru, Atletlər kəndinin meri və könüllülərin səfiri Elçin Səfərov deyib: "Azərsun Holdinq Azərbaycanın aparıcı şirkətlərindən biridir və biz onların Bakı 2017 İslam Həmrəyliyi Oyunlarının rəsmi dəstəkçisi olacağından məmnunuq". "Çay Azərbaycan xalqının çox sevdiyi ən qədim və əhəmiyyətli mədəniyyət ənənələrindən biridir. Bakı 2017 İslam Həmrəyliyi Oyunlarını dəstəkləməklə Azərsun Holdinq və Azərçay ölkəmizə səfər edən bütün idmançılara, rəsmi şəxslərə və tamaşaçılara ölkəmizi dünyada məşhur edən Azərbaycan qonaqpərvərliyi və mehribanlığı hisslərini yaşadacaq. Azərsun Holdinqin baş icraçı direktoru Savaş Uzan deyib: "Biz, Bakı 2017 İslam Həmrəyliyi Oyunlarının rəsmi dəstəkçisi olmaqdan və Azərbaycanda keçiriləcək mühüm idman tədbirlərinə dəstək verməkdən qürur duyuruq. Əminəm ki, birlikdə biz, böyük nailiyyətlər əldə edəcəyik." BonAqua, iTicket, Fresco, Milla, Red Bull və Nestle ilə yanaşı Azərsun Bakı 2017 İslam Həmrəyliyi Oyunlarının yeddinci rəsmi dəstəkçisi olmuşdur. -SON- Redaktorlara qeydlər: Bakı 2017 İslam Həmrəyliyi Oyunları 12-22 may 2017-ci il tarixlərində Azərbaycanda keçiriləcək İslam dünyasını birləşdirən maraqlı, multi-idman tədbiridir. Müsəlman ölkələrindən gələn idmançılar yarışın 10 günü ərzində öz ölkələrini 20 müxtəlif idman növü üzrə 23 kateqoriyada (Atletika və Para Atletika, Su idmanı növləri - Suya tullanma, Su idmanı növləri- Üzgüçülük, Su idmanı növləri - Vaterpolo, 3x3 Basketbol, Futbol, İdman gimnastikası, Bədii gimnastika, Uşu, Stolüstü Tennis, Həndbol, Cüdo və görmə qabiliyyəti olmayanlar üçün Cüdo, Yunan-Roma güləşi, Sərbəst güləş, Atıcılıq, Tennis, Voleybol, Boks, Zorxana, Karate, Taekvondo, Ağır atletika) Bakıda yerləşən 16 müasir yarış meydanlarında təmsil edəcəklər. Azərbaycanın paytaxtı Bakı şəhəri 2013-cü ilin iyulunda Ciddədə İslam Həmrəyliyi İdman Federasiyasının (ISSF) Baş Assambleyasında Oyunların ev sahibliyinə layiq görülmüşdür. İslam Həmrəyliyi Oyunlarının Təşkilat Komitəsi Azərbaycan Respublikasının Prezidenti cənab İlham Əliyevin Fərmanı ilə yaradılıb. Fərmana əsasən, Azərbaycanın Birinci Vitse Prezidenti Mehriban xanım Əliyeva dördüncü İslam Həmrəyliyi Oyunları Təşkilat Komitəsinin Sədri təyin edilmişdir. Azərbaycan İslam Həmrəyliyi Oyunları Əməliyyat Komitəsi (AİHOƏK) İHİF ilə birgə Oyunları təşkil və tətbiq edəcək.

Xəbər 823 dəfə oxundu.