Futzal üzrə Azərbaycan və Moldova milliləri arasında növbəti yoldaşlıq oyununun hakimləri müəyyənləşib | |
Futzal üzrə Azərbaycan və Moldova milli komandaları arasında martın 30-da keçiriləcək növbəti yoldaşlıq oyununu FIFA referiləri Elçin Səmədli və Ramil Namazov idarə edəcəklər. Üçüncü hakim funksiyasını Hikmət Qafarlı yerinə yetirəcək. Bakı İdman Sarayında oynanılacaq görüş saat 18:30-da başlayacaq. Komandalar arasında martın 29-da keçirilən ilk qarşılaşmada millimiz 6:1 hesabı ilə qələbə qazanıb. Futzal üzrə yığmamız apreldə Avropa çempionatının əsas seçmə mərhələsinin Bakıda keçiriləcək ikinci qrupunun oyunları çərçivəsində Bosniya və Herseqovina, Albaniya və Macarıstan komandaları ilə “Avro-2018”in final mərhələsinə vəsiqə qazanmaq uğrunda mübarizə aparacaq. |
|
Xəbər 569 dəfə oxundu. |
|
|