“OlimpSport” jurnalının keçirdiyi sorğunun qalibləri mükafatlandırılıb

Azərbaycan Mətbuat Şurasının və “Olimpiya dünyası” qəzetinin dəstəyi ilə “OlimpSport” jurnalının keçirdiyi 2016-cı ilin idman sorğusu nəticəsində müxtəlif nominasiyalar üzrə qaliblərin mükafatlandırılması mərasimi olub. Azərbaycan Mətbuat Şurasının sədri, Milli Məclisin deputatı Əflatun Amaşov ölkəmizdə idmanın inkişafına göstərilən diqqət və qayğıdan danışıb. Bildirib ki, Azərbaycanın müstəqilliyinin bərpasından sonra üçrəngli bayrağımız altında çıxış edən idmançılarımız mötəbər beynəlxalq turnirlərdə, olimpiadalarda yüksək nailiyyətlər qazanaraq, dövlət himnimizi səsləndiriblər. “OlimpSport” jurnalının baş redaktoru Ramin Allahverdiyev isə jurnalın fəaliyyətindən danışıb, sorğunun nəticələri barədə məlumat verib. Sonda sorğunun nəticələrinə əsasən, qalib şəxslərə mükafatlar təqdim olunub.

Xəbər 771 dəfə oxundu.