| "Grow-2020" layihəsi çərçivəsində bir sıra tədbirlər həyata keçirilir | |
|
AFFA-nın yeni prioritetlərinin müəyyənləşdirildiyi, UEFA ilə birgə hazırlanmış “Grow-2020” layihəsi çərçivəsində bir sıra tədbirlər həyata keçirilir. AFFA-dan bildirilib ki, bunlardan biri də Azərbaycan milli komandasına namizəd olan istedadlı futbolçuların çıxış etdikləri klublarda yüksək fərdi hazırlıqlarının təmin olunmasıdır. Bu proses Azərbaycan milli yığma komandalarında fəaliyyət göstərən məşqçilərlə əməkdaşlıq çərçivəsində həyata keçiriləcək. Layihə ilə bağlı məlumat vermək, qarşıda duran məqsəd və vəzifələr barədə ətraflı fikir mübadiləsi aparmaq məqsədilə fevralın 27-də AFFA-nın inzibati binasında Azərbaycan milli komandasının baş məşqçisi Robert Prosineçki və texniki direktor Bernhard Lippert müxtəlif yaş qruplarından ibarət yığmalarda çalışan məşqçilərlə görüş keçirib. “Grow-2020” layihəsi ötən ilin sentyabrından tətbiq olunmağa başlayıb və bununla bağlı ictimaiyyətə AFFA-nın martın 16-da keçiriləcək növbəti konfransında məlumat veriləcək. |
|
|
Xəbər 571 dəfə oxundu. |
|
|
|