| AFFA-nın baş katibi seçki platformasını təqdim edib | |
|
AFFA-nın baş katibi Elxan Məmmədov Avropanın bir neçə milli futbol assosiasiyasının rəhbərlərinə öz seçki platformasını təqdim edib. Skandinaviya və Baltik ölkələrinin təşəbbüsü ilə Danimarkanın paytaxtı Kopenhagen şəhərində UEFA İcraiyyə Komitəsinə namizədlərlə görüş keçirilib. Tədbirdə 13 namizəddən AFFA-nın baş katibi Elxan Məmmədov da daxil olmaqla 7 namizəd iştirak edib. Namizədlər ayrılıqda Danimarka, Estoniya, Farer adaları, İslandiya, Latviya, Norveç və İsveç milli futbol assosiasiyalarının rəhbərlərinə öz seçki platformalarını təqdim ediblər və sualları cavablandırıblar. |
|
|
Xəbər 670 dəfə oxundu. |
|
|
|