Torpaq Avropada ən yaxşı türkdür | |
Avropanın 5 böyük liqasında oynayan türk futbolçularını diqqətə alan «Castrol EDGE»nin təhlilləri Ömər Torpaq, Məhməd Topal və Arda Turanın uğurlu çıxışlarını qeyd edib. İdman.com.az saytının məlumatına görə, son 12 ayda Premyer Liqa, La Liqa, «A» Seriya, Bundesliqa və I Divizionda oynayan 2000-dən çox futbolçunun çıxışını obyektiv təhlil edən və xüsusi qaydada qiymətləndirən «Castrol EDGE» təhlilçiləri Leverkuzen «Bayer»inin formasını geyinən Türkiyə yığmasının oyunçusu Ömər Torpağı türk futbolçular arasında 560 xalla ilk sıraya yerləşdirdi. «Valensiya»da top qovan Mehmet Topal 553 xalla ikinciliyi götürərkən, onu 467 xalla Madrid «Atletiko»sunda oynayan Arda Turan izlədi. Türkiyə yığmasının baş məşqçisi Abdullah Ovçu «Castrol EDGE» sıralamasındakı 10 oyunçudan 9-nu Slovakiya ilə oynanacaq yoldaşlıq qarşılaşması üçün millinin heyətinə daxil edib. «Castrol EDGE»nin sıralamasında ilk onluqda yer alan 10 türk futbolçunun tam siyahısı isə belədir: Ömər Toprak («Bayer») – 560 xal Məhməd Topal («Valensiya») - 553 Arda Turan («Atletiko») - 467 Məhməd Əkici («Verder») - 402 Mövlud Ərdinç («Renn») - 379 Ümid Bulud («Tuluza») - 363 Olcay Şahan («Kayzerslautern») - 323 Göyxan Töre («Hamburq») - 310 Nuri Şahin («Real» Madrid) - 226 Tunay Torun («Herta») - 133 |
|
Xəbər 1183 dəfə oxundu. |
|
|