Avropanın ən güclü klubu seçilən "Barselona"nın rəsmi saytı bir daha Avropa Klublar Birliyinin (ECA) 2011-ci ilin yekunlarına həsr olunan mükafatlandırma mərasiminin nəticələri haqda yazıb. İdman.com.az-ın məlumatına görə, Kataloniya təmsilçisinin orqanı ECA-nın 2011-ci ili nəticələrinə görə qalib elan olunan klublara xüsusi mükafatlar təsis etməsi və qaliblərin adını bir daha vurğulayıb. İlin yekunlarına əsasən, Avropanın 4 klubu qalib elan olunub. "Barselona" ilin ən güclü klubu, Portuqaliyanın "Braqa" klubu ən yüksək inkişafa nail olan klub, Şotlandiya "Seltik"i sosial proqramlarına görə, Azərbaycanın "Bakı" klubu isə futbol akademiyasının fəaliyyəti sayəsində "Ən yüksək nailiyyət" mükafatına layiq görülüb.
Xəbər 877 dəfə oxundu.