Klublararası dünya çempionatı yeniliklə start götürüb

Xəbər verdiyimiz kimi, bu gün Yaponiyada futbol üzrə klublararası dünya çempionatı başlayıb. Mundialda ilk dəfə baş hakimə videoköməkçi də yardım edəcək. İlk dəfə sınaqdan keçirilən texnologiya xüsusi otaqlarda quraşdırılıb. Yardımçı funksiyasını yerinə yetirən videoassistent referiyə lazımi məlumatları ötürəcək. Lakin yekun qərar baş hakimə məxsus olacaq. Xatırladaq ki, dünya çempionatı dekabrın 18-dək davam edəcək. Yeniliklə tarixə düşən yarışa təşkilatçı ölkənin “Kaşima” komandası və cənub yarımkürəsinin “Oklend” klubunun qarşılaşması ilə start verilib. Görüş meydan sahiblərinin 2:1 hesablı qələbəsi ilə yekunlaşıb.

Xəbər 919 dəfə oxundu.