UEFA Çempionlar Liqası: İlk 8 komanda onaltıdabir finalda rəqibini gözləyir

UEFA Çempionlar Liqasının qrup mərhələsində sonuncu VI tura start verilib. Birinci gündə “A”, “B”, “C” və “D” qruplarında səkkiz qarşılaşma keçirilib. “A” qrupunda “Arsenal” (İngiltərə) və PSJ (Fransa) onaltıdabir final mərhələsinə, “Ludoqorets” (Bolqarıstan) isə Avropa Liqasına vəsiqə qazanıb. “B” qrupunda “Napoli” (İtaliya) və “Benfika” (Portuqaliya) mərhələyə adlamağı bacarıb. Kiyevdə gözlənilmədən böyük hesabla yerli “Dinamo” komandasına məğlub olan Türkiyənin “Beşiktaş” klubu mübarizəni Avropa Liqasında davam etdirəcək. “C” qrupunda isə “Barselona” (İspaniya) və “Mançester Siti” (İngiltərə) növbəti mərhələyə yüksəlib. Qrupda 3-cü olan Almaniyanın “Borussiya” (Mönhenqladbax) klubu yoluna Avropa Liqasında davam edəcək. “D” qrupunda “Atletiko” (İspaniya) və “Bavariya” (Münhen) nüfuzlu turnirin növbəti mərhələsində təmsil olunacaq. Rostov (Rusiya) Avropa Liqasında iştirak hüququ qazanıb. Matçlarda aşağıdakı nəticələr qeydə alınıb: A qrupu PSJ (Fransa) – “Ludoqorets” (Bolqarıstan) - 2:2 “Bazel” (İsveçrə) - “Arsenal” (İngiltərə) – 1:4 B qrupu “Benfika” (Portuqaliya) - “Napoli” (İtaliya) – 1:2 “Dinamo” (Kiyev, Ukrayna) - “Beşiktaş” (Türkiyə) - 6:0 C qrupu “Barselona” (İspaniya) – “Borussiya” (Mönhenqladbax, Almaniya) – 4:0 “Mançester Siti” (İngiltərə) - “Seltik” (Şotlandiya) – 1:1 D qrupu “Bavariya” (Almaniya) – “Atletiko” (İspaniya) - 1:0 “PSV Eyndhoven” (Hollandiya) - “Rostov” (Rusiya) – 0:0

Xəbər 642 dəfə oxundu.