“Biz bilirik ki, “Bakı” klubu ilə qarşılaşma çətin olacaq. Lakin komandamız oyuna ciddi köklənir və hazırlaşır”. İdman.com.az saytının məlumatına görə, bunu “İnter”un hücumçusu Baçana Sxadadze deyib. Gürcüstanlı legioner Unibank Premyer Liqasının XXII turunda qarşılaşacaqları “Bakı” ilə oyun barədə fikirlərini açıqlayıb. O rəsmi saytına açıqlamasında bildirib ki, ilk dövrədə “zolaqlılar”la ev matçında aldıqları 0:3 hesablı texniki məğlubiyyətin revanşını almağa çalışacaqlar: “Biz bu komanda ilə mövsümün birinci dövrədə baş vermiş hadisəni unutmamışıq. Layiqli qələbə qazanmaq və mövsümün ilk yarısında baş vermiş ədalətsizliyi düzəltmək istəyirik. “Bakı” futbolçuları ilə prinsipimiz yoxdur, biz sadəcə qalib gəlmək istəyirik”.
Qeyd edək ki, “Bakı” – “İnter” matçı martın 3-də 14:30-da başlayacaq.
Xəbər 892 dəfə oxundu.