“Neftçi İdman Klubu”nun karateçiləri “Mərmərə kuboku” beynəlxalq turnirində iki medal qazanıblar

Türkiyədə keçirilən karate üzrə “Mərmərə kuboku” beynəlxalq turnirinə yekun vurulub. 20 ölkədən 1400 karateçinin qatıldığı yarışda ölkəmizi "Neftçi İdman Klubu”nun yetirmələri təmsil ediblər. Üç gün davam edən turnirdə klubumuzun beş karateçisi qalib adı uğrunda yarışıb. İdmançılarımızdan ikisi mükafatçılar arasında yer almağa müvəffəq olub. Onlardan 50 kiloqram çəki dərəcəsində mübarizə aparan Səmral Fərəcov kumite yarışlarında bütün rəqiblərini məğlub edib və “Mərmərə kuboku”nun qalibi adını qazanıb. Eyni növdə çıxış edən Səid Əliyev (40 kq) isə turnirin bürünc medalına sahib olub.

Xəbər 700 dəfə oxundu.