Azərbaycan Premyer liqası: “Zirə” “Kəpəz”ə qalib gəldi

Oktyabrın 30-da Azərbaycan Premyer Liqasında X turun növbəti oyunu keçirilib. Günün ilk qarşılaşmasında Bakının “Zirə” və Gəncənin “Kəpəz” klubları üz-üzə gəlib. Gərgin idman mübarizəsi şəraitində keçən matç bakılıların 2:0 hesablı qələbəsi ilə başa çatıb. “Zirə”nin heyətində Cavid Tağıyev və Elvin Məmmədov fərqlənib. Bununla da paytaxt klubu məğlubiyyətsizlik oyunlarının sayını 4-ə çatdırıb və 14 xalla turnir cədvəlinin 4-cü pilləsinə yüksəlib. “Kəpəz” isə 11 xalla 5-ci pillədə qərarlaşıb.

Xəbər 770 dəfə oxundu.