Çimərlik futbolu üzrə Azərbaycan millisi A divizionuna vəsiqə qazanıb | |
Çimərlik futbolu üzrə Azərbaycan milli komandası İtaliyanın Katanya şəhərində təşkil olunmuş Avropa Liqasının super final mərhələsində son oyununu keçirib. Super final mərhələsinin həlledici görüşündə millimizin rəqibi Macarıstan yığması olub. Oyun 5:5 hesabı ilə başa çatdığı üçün qalib penalti seriyasında müəyyənləşib. Zərbələri daha sərrast yerinə yetirən futbolçularımız 4:3 (ümumi hesabda 9:8) hesabı ilə qalib gəlib. Bununla da millimiz Avropa Liqasının B divizionundan A divizionuna vəsiqə qazanıb. Xatırladaq ki, Avropa Liqası turnirinin super final mərhələsində millimiz Türkiyə yığmasını 5:3, İngiltərə komandasını 2:0, Çexiya futbolçularını isə 5:1 hesabı ilə məğlub etmişdi. |
|
Xəbər 819 dəfə oxundu. |
|
|