FHN-in idmançıları sambo və çimərlik voleybolu yarışlarında uğur qazanıblar

Şağan Olimpiya İdman Kompleksində sambo üzrə yeniyetmələr və gənclər arasında çempionat keçirilib. Turnirdə 35 komanda və 450 idmançı birincilik uğrunda mübarizə aparıb. Fövqəladə Hallar Nazirliyinin İdman-Sağlamlıq Klubunu təmsil edən Elçin Heybətov (82 kq) və Tural Hüseynov (90 kq) üçüncü yerə çıxıblar. Pirşağı “Həyat” çimərlik və Voleybol Mərkəzində çimərlik voleybolu üzrə açıq respublika çempionatı keçirilib. Yarışda Fövqəladə Hallar Nazirliyinin əməkdaşları da iştirak ediblər. Çempionatda 12 komanda və 24 iştirakçı təmsil olunub. Nazirliyinin əməkdaşları Cəlil Cəlilov və Vüqar Bayramov ikinci, Ülvi Rəcəbli və Cavid Süleymanov isə üçüncü yerə layiq görülüblər.

Xəbər 654 dəfə oxundu.