“Təhsil” Respublika İdman Mərkəzinin şahmat komandası Avropa birinciliyində üçüncü yerə layiq görülüb

Yunanıstanın Xalkidiki şəhərində məktəblilər arasında keçirilən şahmat üzrə Avropa birinciliyi başa çatıb. Yarışa Avropanın 21 ölkəsinin komandası qatılıb və ölkəmizi birincilikdə 16 şahmatçı təmsil edib. Maraqlı mübarizə şəraitində keçən birincilikdə “Təhsil” RİM-in Respublika İxtisaslaşdırılmış Olimpiya Ehtiyatları Uşaq-Gənclər Şahmat Məktəbinin yetirməsi Ziya Məmmədov 7 yaşadək oğlanlar arasında birinci yeri, Aydın Süleymanlı 11 yaşadək oğlanlar arasında ikinci yeri, Quba Uşaq-Gənclər Şahmat Məktəbinin yetirməsi Fərid Məlikov 13 yaşadək oğlanlar arasında üçüncü yeri, Sumqayıt Uşaq-Gənclər Şahmat Məktəbinin yetirməsi Səbinə Rzalı 13 yaşadək qızlar arasında ikinci yeri, Ucar Uşaq-Gənclər Şahmat Məktəbinin yetirməsi Süsən Məmmədova isə 15 yaşadək qızlar arasında üçüncü yeri tutublar. Komandamız ümumilikdə Avropa birinciliyində komanda hesabında üçüncü yerə layiq görülüb.

Xəbər 637 dəfə oxundu.