Bəhruz Rzayev “Çeşmə Open” turnirində liderindən yarım xal geri qalıb

Türkiyənin Çeşmə kurort şəhərində “Çeşmə Open” 4-cü beynəlxalq şahmat turniri başa çatıb. “A” turnirinin qalibi 9 xaldan 7,5 xal toplayan Ukrayna qrossmeysteri Vladimir Baklan olub. Türk şahmatçıları Mustafa Yılmaz və Betül Cemre Yıldız də eyni miqdarda xalı toplayıblar. Azərbaycanlı beynəlxalq usta Bəhruz Rzayev və ukraynalı Yuri Vovk onlardan yarım xal geri qalıblar. Azərbaycan təmsilçiləri Müşfiq Əsgərov 6,5 xalla 9-cu, beynəlxalq usta Ülvi Sadıxov 6 xalla 14-cü, FİDE ustası Murad Nuri 5,5 xalla 30-cu və Azər Abdullayev 5 xalla 43-cü yeri tutub. Xatırladaq ki, 4-cü “A” turnirində 135 şahmatçı, o cümlədən 11 qrossmeyster iştirak edib.

Xəbər 662 dəfə oxundu.