İpək yolu turnirinə qatılacaq boks yığmamızın heyəti açıqlandı

Ölkəmizdə daha bir beynəlxalq turnir keçiriləcək. Söhbət kişi boksçular arasında təşkil olunan ənənəvi “İpək yolu” turnirindən gedir. Beynəlxalq yarış martın 9-da start götürəcək və ayın 14-nə qədər davam edəcək. Bu dəfəki turnirdə Azərbaycan boksçuları ilə yanaşı Ukrayna, İran, Gürcüstan və İsrail idmançıları da mübarizə aparacaq. Komandamızın heyətinə gəlincə, yarışda bu idmançılar mübarizə aparacaq: 49 kq – Rüfət Hüseynov 52 kq – Elvin Məmişzadə 56 kq – Tayfur Əliyev və Cavid Çələbiyev 60 kq – Albert Səlimov 64 kq – Lorenso Sotomayor 69 kq – Pərviz Bağırov 75 kq – Kamran Şahsuvarlı 81 kq – Teymur Məmmədov 91 kq – Abdulkadir Abdullayev +91 kq – Məhəmmədrəsul Məcidov Qeyd edək ki, görüşlər Azərbaycan Boks Federasiyasının boks mərkəzində keçiriləcək.

Xəbər 941 dəfə oxundu.