1/4 finalın iştirakçıları məlum oldu

Qadın voleybolçular arasında Avropa Çempionlar Liqasının 1/8 final mərhələsinə yekun vurulub. İdman.com.az saytının məlumatına görə, baş tutan 8 matçdan sonra növbəti mərhələyə vəsiqə qazanan komandaların siyahısı məlum olub. Belə ki, 1/4 finalda 5 ölkədən 8 klub mübarizə aparacaq. Bunlar arasında Azərbaycan, Türkiyə və İtaliya 2 komanda ilə təmsil olunacaq. Fransa və Rusiyanın isə, hərəsinin 1 klubu 1/8 finalı adlayıb. Qeyd edək ki, 1/4 final mərhələsinin ilk matçları fevralın 21-23-də, cavab görüşləri 1 həftə sonra olacaq. 1/4 final cütləri “Rabitə” (Azərbaycan) - “Fənərbağça” (Türkiyə) “Dinamo” (Kazan, Rusiya) – “Azərreyl” (Azərbaycan) “Vəqfbank TTelekom” (Türkiyə) – “Kann” (Fransa) “Villa Kortese” (İtaliya) – “Foppapedretti” (İtaliya)

Xəbər 941 dəfə oxundu.