Neymar Olimpiya Oyunlarına qatılacaq

2016-cı ildə Rio-de-Janeyro Yay Olimpiya Oyunlarında mübarizə aparacaq Braziliya yığmasının 23 yaşdan yuxarı üç futbolçusu bəlli olub. Baş məşqçi Dunqa İspaniyanın “Barselona” klubunun hücumçusu Neymarı milliyə çağırmağı qərara alıb. Digər iki futbolçu isə İtaliyanın “İnter” komandasında forma geyən müdafiəçi Miranda və Brazliyanın “İnternasyonal” klubunun qapıçısı Alisondur. Qeyd edək ki, olimpiada çərçivəsində keçiriləcək futbol turnirində hər bir yığma heyətinə 23 yaşdan yuxarı üç futbolçu cəlb edə bilər. “Rio-2016”da futbol matçları avqustun 3-20-də Rio-de-Janeyro, San-Paulu, Minas-Jerays, Baiya, Riu-Qrandi-du-Sul və Braziliya Federal Dairəsində keçiriləcək.

Xəbər 751 dəfə oxundu.