Bakının “Azəryol” voleybol klubu Polşanın “Muşina” komandası ilə qarşılaşacaq

Bakının qadınlardan ibarət “Azəryol” klubunun Avropa Voleybol Konfederasiyası (CEV) kuboku yarışlarının dörddəbir final mərhələsindəki rəqibi müəyyənləşib. Yarımfinala vəsiqə qazanmaq uğrunda Bakı təmsilçisi Polşanın “Muşina” komandasını yarışdan kənarlaşdırmalıdır. “Muşina” klubu turnirin səkkizdəbir final mərhələsində Sloveniyanın “Nova Branik” klubundan üstün olub. Qeyd edək ki, turnirdə mübarizəyə onaltıdabir final mərhələsindən qoşulan “Azəryol” Rumıniyanın “Tarqoviste” və Finlandiyanın “Salo” klublarını yarışdan kənarlaşdırıb.

Xəbər 765 dəfə oxundu.