“Lokomotiv” voleybol klubu “Alyants Ştutqart”ın qonağı olacaq

Bu gün qadın voleybolçular arasında Çempionlar Liqası yarışlarının üçüncü turu çərçivəsində növbəti oyunlar keçiriləcək. Bakının “Lokomotiv” komandası Almaniyada “Şarrena” Arenada “Alyants Ştutqart” klubunun qonağı olacaq. Oyunu portuqaliyalı baş hakim Avelino Azevedo idarə edəcək. İkinci hakim funksiyasını isə italiyalı Daniele Rapisarda yerinə yetirəcək. Çempionlar Liqası yarışlarının “A” qrupunda mübarizə aparan “Lokomotiv” ilk görüşdə “Dinamo Kazan”a 1:3 hesabı ilə məğlub olsa da, Bakının “Azərreyl” komandasına 3:1 hesabı ilə qalib gəlib. Bakı təmsilçisi doğma meydanda “Alyants Ştutqart”dan 3:0 hesabı ilə üstün olub.

Xəbər 747 dəfə oxundu.