“Qala”dan asan qələbə

Bu gün kişi kişi basketbolçular arasında Azərbaycan çempionatının VIII turun oyunları keçirilib. İdman.az saytının məlumatına görə, baş tutan matçlardan sonra ilk “üçlük”də dəyişiklik olmayıb. “Qala” – BDU matçı ilə start verilib. Bu matçda Elxan Əliyevin komandası ilk dövrədə olduğu kimi, asan qələbə qazanıb. Onlar autsayderi 73 xal fərqi ilə məğlub ediblər – 111:38. Günün ikinci oyununda son Azərbaycan çempionu “Araz” da növbəti qələbəsini qazanıb. Tahir Baxşıyevin rəhbərlik etdiyi komanda AzTOP-a 103:67 hesabı ilə qalib gəlib. Tura “Çağ öyrətim” – NTL“Tudor” matçı ilə yekun vurulub. Bu görüşdə birincilər favorit hesab olunsalar da, onlar qələbə qazana bilməyiblər. Nəticədə debütant ilk dövrədəki məğlubiyyətin əvəzini çıxıb (86:61). Qeyd edək ki, IX turun oyunları fevralı 11-də olacaq. VIII tur 4 fevral “Qala” – BDU - 111:38 “Araz” – AzTOP - 103:67 “Çağ öyrətim” – NTL“Tudor” - 61:86 1. Araz 8 8 0 845-462 16 2. Qala 8 6 2 606-407 14 3. Çağ öyrətim 8 4 4 522-577 12 4. AzTOP 8 3 5 569-592 11 5. NTL “Tudor” 8 3 5 581-500 11 6. BDU 8 0 8 368-846 8

Xəbər 1149 dəfə oxundu.