Azərbaycan şahmatçıları üçüncü turda ukraynalı və latviyalı həmkarları ilə qarşılaşıblar | |
Azərbaycanın kişilərdən ibarət yığması Reykyavikdə keçirilən Avropa Komanda Çempionatında üç turdan sonra 5-14-cü yerləri bölüşürlər. Üçüncü turda kişilərdən ibarət komanda (Şəhriyar Məmmədyarov, Teymur Rəcəbov, Arkadi Naydiç, Rauf Məmmədov və Eltac Səfərlinin) ukraynalılara 1,5:2,5 hesabı ilə uduzub. Bundan əvvəlki iki turda isə qrossmeysterlər Sloveniya və Danimarka yığmasına qalib gəliblər. Üç turdan sonra Azərbaycanın aktivində 4 xal olub. Polşa, İspaniya, Macarıstan, Gürcüstan, İngiltərə, Xorvatiya, Türkiyə və İsveçrə yığmalarının hesabında da 4 xal var. Zeynəb Məmmədyarova, Ülviyyə Fətəliyeva, Gülnar Məmmədova, Xəyalə Abdulla və Nərmin Kazımovadan ibarət qadın komandamız Latviya yığmasına uduzub (1,5:2,5). Beləliklə, azərbaycanlı şahmatçıların aktivində 2 xal var və onlar bu nəticə ilə turnir cədvəlində 18-25-ci yerləri bölüşürlər. Xatırladaq ki, İsveçrə sistemi üzrə 9 turdan ibarət yarışlar noyabrın 22-dək davam edəcək. Hər komandaya dörd əsas və bir ehtiyat şahmatçı daxildir. |
|
Xəbər 627 dəfə oxundu. |
|
|