Subaşiçin komandası qələbə qazandı

Serbiya Super Liqasında 13-cü turun oyunları keçirilib. Azərbaycan yığmasının sabiq hücumçusu Branimir Subaşiçin komandası - "OFK Belqrad" da növbəti matçına çıxıb. Sözügedən klub doğma meydanda "Rad"la qarşılaşıb. Matç Subaşiçin komandasının 2:0 hesablı qələbəsi ilə başa çatıb. Start heyətdə meydana çıxmış Branimir matçın 82-ci dəqiqəsində əvəzlənib. Qeyd edək ki, "OFK Belqrad" hazırda 12 xalla 16 klub arasında 13-cü pillədə qərarlaşıb.

Xəbər 675 dəfə oxundu.