“Ağlar”da litvalı futbolçu

“Qarabağ” komandası daha bir legioneri baxışdan keçirir. İdman.com.az saytının məlumatına görə, Antalyada təlim-məşq toplanışında olan Ağdam təmsilçisinin düşərgəsinə Litva millisinin yarımmüdafiəçisi Kalonas Mindauqas qoşulub. 1984-cü il təvəllüdlü futbolçu oyun qurucusu mövqeyində çıxış edir. Sonuncu klubu Ukraynada “Metallurq” (Zaparojye) olan futbolçu yığmasında 30-dan çox oyun keçirib. Kalonas gələcəyi haqqında komandanın çalışdırıcısı Qurban Qurbanov bu gün keçiriləcək yoxlama oyunundan sonra qərar verəcək.

Xəbər 918 dəfə oxundu.