Bu gün "Qarabağ" və "Qəbələ" Avroliqada növbəti görüşlərini keçirəcək
Avropa Liqasının qrup mərhələsində Azərbaycan təmsilçisi "Qarabağ" və "Qəbələ" Avropa Liqasında növbəti oyunlarını keçirəcək.Ağdamlılar doğma azarkeşlər önündə Belçikanın "Anderlext" klubunu qəbul edəcək.

İlk turda İngiltərədə "Tottenhem Hotspur"a 1:3 hesabı ilə məğlub olan "Qarabağ" yeni qrup mərhələsində ilk ev oyununa çıxacaq. Klub qələbə qazanacağı təqdirdə qrup ikincisi olacaq. Təbii ki, burada "Monako" (Fransa) və "Tottenhem" komandalarının görüşü də əhəmiyyət kəsb edir. Fransa təmsilçisi qalib gələcəyi təqdirdə "Qarabağ" 3-cü, London klubu 3 xal qazanacağı və oyun heç-heçə bitəcəyi təqdirdə isə 2-ci pilləyə yüksələcək.

Qarşılaşmanı avstriyalı hakim Oliver Draxta idarə edəcək.

"Qəbələ" isə səfərdə Rusiya "Krasnodar"ı ilə üz-üzə gələcək. Qarşılaşma eyniadlı şəhərdə yerləşən Kuban stadionunda keçiriləcək. Bu görüş Roman Qriqorçukun rəhbərlik etdiyi komanda üçün tarixi əhəmiyyət daşıyır. İlk dəfə Avropa Liqasında mübarizə aparan "Qəbələ" elə ilk qələbəsini də tarixə keçirə bilər.
Qarşılaşmanı polşalı hakim Martsin Borski idarə edəcək.
İlk turda "Krasnodar Almaniyada Dortmund "Borussiya"sına uduzub - 1:2. "Qəbələ" isə Bakıda Yunanıstan PAOK-u ilə qolsuz bərabərliklə barışıb.

Avropa Liqası, qrup mərhələsi, II tur

22:00. “Qarabağ” (Azərbaycan) – “Anderlext” (Belçika)
Baş hakim: Oliver Draxta
Baş hakimin köməkçiləri: Roland Brandner, Ştefan Kuehr
Əlavə köməkçi hakimlər: Manuel Şuettenqruber, Diter Mukenhammer
Dördüncü hakim: Roland Riedel (hamısı Avstriya)
Hakim-inspektor Darko Ceferin (Sloveniya)
UEFA nümayəndəsi: Oljas Abrayev (Qazaxıstan)
Bakı. Tofiq Bəhramov adına Respublika stadionu

00:05. "Krasnodar" (Rusiya) - "Qəbələ" (Azərbaycan)
Baş hakim: Martin Borski
Yan xətt hakimləri: Rafal Rostkovski, Martsin Bonyek
Əlavə köməkçi hakimlər: Daniel Stefanski, Tomaş Vayda
Dördüncü hakim: Krjıştov Mırmus
Hakim-inspektor: Elmir Pılav (Bosniya və Herseqovina)
UEFA nümayəndəsi: Sergey İlıx (Belarus)
Krasnodar, "Kuban" stadionu

Xəbər 645 dəfə oxundu.