Futzal üzrə Azərbaycan millisi Avropa çempionatının püşkü zamanı 3-cü səbətdə olacaq

Futzal üzrə 2016-сı il Avropa çempionatının püşkatma mərasiminə qatılacaq ölkələrin səbətlərə bölgüsü aparılıb. Bölgü UEFA-nın əmsallar cədvəli əsasında aparılıb. Azərbaycan millisi ən aşağı reytinqlilərin yer aldığı 3-cü səbətə düşüb. Bu səbətdə Sloveniya, Macarıstan və Qazaxıstan da yer alıb. Rusiya və Ukrayna yığmaları da ayrı-ayrı səbətlərə bölünsələr də, eyni qrupa düşə bilməyəcəklər. Rusiya 1-ci səbətdə Serbiya, İspaniya və İtaliya, Ukrayna isə 2-ci səbətdə Portuqaliya, Ukrayna, Xorvatiya və Çexiya ilə birgə yer alıb. Qeyd edək ki, püşkatma mərasimi Bakı vaxtı ilə saat 15:00-da başlanacaq. Oyunlar gələn il fevralın 2-dən 13-dək davam edəcək. Komandalar 4 qrupa bölünəcəklər. Qruplarda ilk 2 yeri tutanlar 1/4 finala yüksələcəklər.

Xəbər 627 dəfə oxundu.