PAOK-un baş məşqçisi: “Qəbələ” hücumda təhlükəlidir" | |
“Rəqib haqda müəyyən məlumat toplamışıq. Əvvəlki oyunlarda hansı komandaları mübarizədən kənarlaşdırdıqlarını bilirik”. Bu sözləri PAOK-un baş məşqçisi İqor Tudor Avropa Liqasının qrup mərhələsində sabah “Qəbələ”yə qarşı keçiriləcək oyun üçün təşkil etdiyi mətbuat konfransında deyib. -Sabah Kadze kimi futbolçunuzun meydana çıxa bilməməsi işinizi nə dərəcədə çətinləşdirəcək. - O, bizim üçün çox önəmli futbolçudur. Ancaq təəssüf ki, zədə səbəbindən bizə kömək edə bilməyəck. Onun yoxluğunu hiss etdirməyəcək futbolçularımız da var. - “Qəbələ” klubu haqda hansı fikirdəsiniz? Rəqibinizin “Panatinaikos”u keçməyi sizə nə deyir? - “Panatinaikos” kimi komandanı mübarizədən kənarlaşdırmaq elə-belə iş deyil. “Qəbələ” hücumda təhlükəlidir. Maraqlı, keyfiyyətli futbolçular var. Hər zaman yaxşı nəticə qazanmaq üçün oynayırıq. Məni komandamın gözəl oyunu maraqlandırır. Yaxşı oyun göstərsək, nəticə özü gələcək. - PAOK bu mövsüm evdə yaxşı, səfərdə isə zəif çıxış edir. Sabahkı oyunda heç-heçəyə razısınız? - Əvvəlcə onu deyim ki, qalib gəlməklə pis oyun sərgiləyən arasında fərq çoxdur. Səfərdə pis oyun göstərməyimiz fikri ilə razı deyiləm. -Yəqin “Qəbələ”nin “Panatinaikos”la oyununu izləmisiniz. Həmin görüşdə iki qol vuran Dodoya qarşı xüsusi tədbir görəcəksiniz? - Təbii ki, bunu nəzərə almışıq. “Qəbələ” yaxşı komandadır. Çalışmışıq ki, “Qəbələ”yə qarşı hazır olaq. - “Qəbələ”yə icarəyə verilən Fakunda Pereyranın sizi cəzalandıracağından qorxmursunuz ki? - Əlbəttə ki, o sabah oynasa, xüsusi motivasiyada olacaq. Mən ona bütün oyunlarda uğur arzulayıram, təkcə sabahkı görüşdən başqa. - “Qəbələ” iki yunan klubunu mübarizədən kənarlaşdırıb. Buna görə də üzərinizdə psixoloji təzyiq varmı? - Psixoloji təzyiq həmişə olur. - Sabah Dmitar Berbatovu meydanda görə biləcəyik? - Onun fiziki durumu tam qaydasında deyil. Oyunun gedişatından asılı olaraq onu meydana buraxa bilərik. -Robert Prosineçki ilə Xorvatiya millisində oynamısınız. Onunla “Qəbələ” haqda danışmısınız? - Prosineçki mənim yaxın dostumdur. İki saat əvvəl onunla danışmışam. O, çox yaxşı məşqçi və dəyərli insandır. |
|
Xəbər 663 dəfə oxundu. |
|
|