Həyəcan başlayır: “Qalatasaray” “Atletiko”ya qarşı - YENİLƏNİR

Bu gün UEFA Çempionlar Liqasında qrup mərhələsinə start veriləcək. İlk oyun günündə A, B, C və D qruplarında matçlar keçiriləcək. A qrupunda Madrid “Real”ı “Şaxtyor”u, PSJ isə “Malmö”nü qəbul edəcək. B qrupunda “Mançester Yunayted” səfərdə PSV ilə qarşılaşacaq. Qrupun digər matçında isə “Volfsburq” Moskva MOİK-i ilə üz-üzə gələcək. Azərbaycanlı azarkeşlər üçün gecənin ən maraqlı qarşılaşması C qrupunda baş tutacaq. Türkiyənin turnirdəki yeganə təmsilçisi “Qalatasaray” öz meydanında “Atletiko” ilə münasibətləri ayırd edəcək. ÇL-in debütantı “Astana” isə “Benfika”nın qonağı olacaq. Gecənin digər maraqlı qarşılaşması D qrupunda “Mançester Siti” və “Yuventus” komandaları arasında keçiriləcək. Son finalçı və İtaliya A seriyasının cari mövsümündə özünə bənzəməyən “Yuve”nin İngiltərədə hansı nəticəyə imza atacağı maraqla gözlənilir. Qrupun digər görüşündə isə “Sevilya” Münhenqladbax “Borussiya”sı ilə qarşılaşacaq. 15 sentyabr A qrupu 23:45. PSJ (Fransa) – “Malmö” (İsveç) 23:45. “Real” (Madrid, İspaniya) – “Şaxtyor” (Ukrayna) B qrupu 23:45. PSV (Hollandiya) – “Mançester Yunayted” (İngiltərə) 23:45. “Volfsburq” (Almaniya) – MOİK (Rusiya) C qrupu 23:45. “Benfika” (Portuqaliya) – “Astana” (Qazaxıstan) 23:45. “Qalatasaray” (Türkiyə) – “Atletiko” (İspaniya) D qrupu 23:45. “Mançester Siti” (İngiltərə) – “Yuventus” (İtaliya) 23:45. “Sevilya” (İspaniya) – “Borussiya” (Münhenqladbax, Almaniya)

Xəbər 688 dəfə oxundu.